AMETS ARZALLUZ - MIÑAN LIBURUA

                 

Apirilaren 1ean, asteazkena, Amets Arzalluz gure artean izan behar zuen Miñan liburua idazteko orduan izandako esperientzia gurasoekin eta irakasleekin partekatzeko. Gaur egungo egoera ikusita, hau guztia amaitu arte itxaron beharko dugu, gure artean izan dadin. Bitartean, hona hemen liburua argitaratu eta 3 hilabetera grabatutako bideoa. Liburua irakurri baduzu protagonistaren egoera zein den gaur egun jakin dezakezue eta liburua irakurri ez baduzu, agian irakurtzeko tentazioa izan dezakezu. 

 

AAUrola BHIk Euskadiko maker komunitatearekin bat

                       

Euskadiko maker komunitateak abian jarritako Covid Euskadi  ekimenarekin bat egin du Urola BHIk eta ikastetxeko 3D inprimagailua  jo eta su ari da lanean  osasun langileak babesteko biserak egiten. Ikastetxea itxita dagoenez irakasleak etxitik ari dira lanean. Bejondaizuela!!!!

 

CANDANCHU

Martxoaren 11-arekin batera abiatu ginen UROLA BHI-ko DBH2 D-E eta F-ko taldeak Pirineoetara. Bertan elurrarekin gozatzea zen gure ideia eta goizeko ordu txikiak ez ziren oztopo izan denak pozik eta orduan abiatzeko. Liedenan mokadu bat egin eta hankak luzatzeko ezinbesteko geldialdia egin ondoren 9ak aldera Aragoi aldeko lurretan ginen. Mendi magaletan irristan ibiltzeko beharrezko materialak zain geneuzkan eta abailan joan ginen elurretara esperientziaz gozatzera!

Aipatu zorte ederra izan dugula elurra izate hutsarekin, astebete lehenago Candanchu aldeko parajeak erabat idortuta baitzeuden. Punta-puntako elurrik ez zen arren eguraldi bikainaz gozatu ahal izan dugu! Halere, dena ez zen aterpetxea eta elurra izango eta bertako kafetegian eguzki ederraz eta bertako bazkari berrindartzaileez ere gozatu dugu. Guzti honek zenbait erorialdiren minak eta giharretako agujetak ahaztuarazi dizkigu.

Han dena zoragarri zihoan Coronavirusaren zabalkunde azkarrak gure egonaldia moztu eta itzulera aurreratu digun arte. Egoerak egoera eta egun bat lehenago gure etxeetara itzuli behar izan dugun arren, esperientziarekin gustura eta gureak ikusteko irrikitan, pozarren eta osorik bueltatu gara. Bestela errepara hurrengo bideo honi...

 

GARAZI AUZMENDIREN HITZALDIA BASOGINTZA EREDUARI BURUZ

2020/03/15

Martxoaren 5ean Garazi Auzmendi etorri zitzaigun ikastetxera hitzaldia ematera DBH3, BATX1 eta BATX2koei, hiru txandatan banatuta, ikastetxearen EA21eko arduradunek antolatuta. Izan ere, une honetan herri diagnostikoaren fasean sartuak gaude, eta, hori aurrera eramateko, Ekoetxearen laguntza eta gidaritza dugu. Hitzaldian, besteak beste, basogintzaren helburuak azaldu dizkigu Garazi Auzmendik, nabarmenduz zein diren Gipuzkoako eta, bereziki, Azpeitiko jarduera horren ezaugarriak. Alde horretatik, Azpeitian basoak jabe pribatuen eskuetan egoteak dituen eraginak aztertu zituen eta gogoeta egiteko eskatu zien ikasleei gai garrantzitsu honi buruzko iritzi kritikoa sustatze aldera. 

ERREGINA, BOXEOLARI ETA MILIZIANO ANARKISTEN ARTEAN PASIERAN...

2020/03/04

"Otsailaren hondarrean egin genuen Donostiara irteera batxilergoko 2. mailako ikasleekin.  Aurreko egunetan beldur pixka bat izan arren, ibilaldi osoan zehar eguraldi apartak lagundu gintuen.   Errepublikaren eta Gerra Zibilaren garaiko gertaera garrantzitsuak in situ gogoratzea zen generaman asmoa. Igeldoko mendi-oinean, Ondarretan hasi oinez Kontxako Badia zeharkatzen, eta Paseo Berrian amaitu arte jarraitu genuen.  Bidean, esanguratsuak ziren lekuetan dozena-erdi geldialdi egin ziren. Haietan, ikasle bikote prestuek azalpenak eman zizkieten euren kideei.

 

 

 

Ondarretako gartzelako presoen gora-beherak, Maria Cristina eta haren seme Alfontso XIII.aren udaldiak Miramarko Jauregian, Errepublika ekarriko zuen Donostiako Ituneko sinatzaileen bazkaria Hotel Londresen, Garibai kaleko bonba, Maria Cristinako tiroketa gogorrak edo Paseo Berriko afusilatzeak Donostia errepublikanoan... kontu ugari entzun ziren kerak egindakoan. Memoria ariketa ederra izan zen denontzat. Hurrengo urtean errepikatu daitekeena. Egia da jarduera hezitzailea amaitzean  Alde Zaharrean mokadu bat egiteak are gozoagoa egin zuela eguna."